Tutorearen ebaluazioa

Bideo honetan, Dale Kandelataldekoek tutore papera betetzen dute, beste taldeko bi neskak berriz, gurasoen papera. Gurasoekin haurraren ebaluazioa egiten agertzen gara, bere klaseko egoera zein den aztertzeko eta bere portaeraren arrazoiak zeintzuk diren galdetu diegu.
Beraiek bere egoera azaldu ostean, beraien semeari laguntzeko eskatu diegu klaseko errendimendua hobetu dezan eta etorkizun batean arazorik izan ez dezan.

Ariketa honekin, irakaslearen paperean sartu gara eta hauek dituzten bizipenak zeintzuk diren ikusi ditugu, baita etorkizun batean irakasleak izaterakoan bizi behar izango duguna ere ikusi dugu.

Tutoretzaren inguruko rol-playinga

Bideo honetan, gurasoei, tutore moduan, ikasturte hasierako aurkezpena nola egin diegun ikusi daiteke. Aurkezpena 5.mailako umeen gurasoei egin zaie.

Tutorearen papera Aitor Barriokanalek eta Eneko Aldak burutu dute eta aurkezpenean ikasturte berriko plangintza azaldu dute. Ikasgai bakoitza eta emango diren edukiak, ikasturteko ordutegia, jantokiaren eta ibilgailu publikoaren prezioak eta egingo diren irteerak izan dira gutxi gora behera jorratu diren gaiak. Gainera, eskolaz kanpoko ekintzei dagokienez egon diren berrikuntzak zeintzuk izan diren ere azaldu zaie.

Azalpena egin ostean gurasoen dudak argitzeko tartea utzi dugu, beraientzako lehen urtea ez bada ere beti suertatzen direlako azken orduko galderak.

Erabili dugun informazioari dagokionez, 5.mailako ume baten egiazko egitaraua izan da, baita ikasgai bakoitzean emango den edukiarena ere.

Bestalde azpimarratu nahi genuke lan honekin irakasle baten paperean jarri garela eta oso modu egokia iruditu zaigula irakasle baten gisa antzeztu izana, benetan sentitzen dena zer dena ikusi dugulako.

Beraz, lan honekin ikasi izan dugu etorkizun bateko egoera bat nolakoa izango litzatekeen eta nolako hizkerarekin eta moduekin jokatu behar den

KULTURARTEKOTASUNA

Kulturartekotasuna ikastoletan lantzeko honako puntu hauek kontuan hartu behar dira:

1. ZER DA?

• Kulturartekotasuna hitza neologismo berria da. Kulturaniztasunak egoera bat adierazten du, 2 kultura edo gehiagoren presentzia gizarte batetan. Kulturartekotasunak berriz interdependentzia bat adierazten du, elkarrekikotasuna, besteekiko elkarrizketa. Esanahi dinamikoagoa da, erlazio aktiboa, elkarren arteko trukea jasotzen duena. (Ohikoa da gure auzoetan kulturaniztasuna egotea baina ez kulturartekotasunik).
• Korronte pedagogiko bat da baina baita hori baino gehiago ere: Mundu ikuskera beri bat da, gizartea ulertu eta antolatzeko irizpideak markatzen dizkigu.

• Kultur aniztasuna errespetatu eta baloratzean datza.
  
  Informazioa Guraso webgunean aurkitu dugu. 
  
  
  

2. NON LANTZEN DA?

• Edozein lekutan landu daiteke baina inportanteena ikastoletan lantzea da, izan ere, gaur egun kultura aniztasun handia daukagu ikastoletan eta etorkizunerako garrantzitsua izango litzateke gai hau lantzea.   

  
3. ZERGATIK?

• Herrialde ezberdinetako umeak elkarren artean integratzeko eta kultura eta ohitura ezberdinak denek ezagutu ditzaten.

4. NOIZ?

• Klase berezi bat prestatu eta klase orduren batean edo klaseetatik at, denentzako ekintzak antolatuz. Baina egunerokotasunean aplikatu behar da.

5. NOLA?

• Klasean dauden kulturak eta landuz, bai eta herrialde horietan egiten diren ekintzak praktikan jarriz.

 
6. PRINTZIPIO EDO JARRERA NAGUSIAK

• Egoeraren aurrean, ekintza hauetan hainbat printzipio edo jarrera landuko dira. Hauek aurrerago sakonduko ditugu.

 

7. TALDE MINORITARIO NAGUSIAK

• Hainbat talde daude egoera honen barnean, eta talde horietako kideekin landuko dugu kulturartekotasuna, integrazioa.

Infromazio gehiago: klikatu 12.orritik aurrera

IRAKASLEAREKIN IKASITAKOA

Irakaslearekin elkarrizketan ikasitakoa aurkeztu dugu aurkezpen honetan. Hainbat puntu jorratu zituztenez adar ugari garatu ditugu bakoitzetik adibideak ateraz. Gehienak ezaugarri askotan ados zeuden eta ezaugarri horiek amankomunean jarri ondoren, zerrenda bat egin dugu, horien artean irakasle lanari buruzkoak eta irakasle izatearen ezaugarriei buruzkoak.
  MINDOMOA
Make your own mind maps with Mindomo.

MUSIKA ETA HEZKUNTZA

Musikaren erabilpena hezkuntza arlo desberdinetan

Musika, bitartekotzat soinua eta isiltasuna darabiltzan artea da. Musika pertsona askoren egunorokoan esparru oso garrantzitsu bat betetzen du, eta modu batean edo bestean  uneoro gure artean dago. Betidanik existitu egin da eta edozein soinuen bitartez sortu daiteke. Musika mota bakoitzak helburu, idei edo  sentimendu batzuk gordetzen ditu. Beste alde batetik, oso garrantzitsua da ume baten garapenean eta horregaitik oso erabilgarria izan daiteke hezkuntzako arlo guztietan.

Lehendabizi, klasean lan egitean behar dugun musika aztertuko dugu. Argi dago, Rocka, Hevy Metal eta Punk musikak ez direla onak, egiaztatu delako musika hoien soinuak gogorregiak direla eta kontzentrazioa murriztu dezaketela. Musika mota hoberena edo oso egokia lanean gauden bitartean kontzentrazioa handitzeko musika barrokoa da.

Musikaren bitartez umeen irakaskuntza errazagoa bihurtzen da. Umeek abestien eta musikaren bitartez hainbat kontzeptu errazago ikasten dituzte, hala nola, alfabetoa, zenbakiak, koloreen izenak, gorputz atalak.... musika irakaskuntza elementu garrantsitzua dela esan dezakegu hau ikusita.

Gure kasuan, kirolarekin lotu dezakegu musika. Kontaktu fisikoko kirolek intentsitate eta bizitasun handia behar dute, beraz ezinbestekoa da umeei musika alaiak eta mugikorrak jartzea partidua hasi baino lehen edo entrenamenduetan, horrela umeen motibazio eta gogoak handituko dira eta horren ondorioz umeek gehiago disfrutatuko dute egiten dutenarekin. Izan ere umeen kasuan ez da erreparatu behar ariketak eta egin beharreko ekintzak perfekto egiten duten ala ez, umeak dituen gogoan eta umea ekintza hori egitean disfrutatzean baizik, horretarako musika asko laguntzen du.

Gainera umeak haien taldean edo partikukarki musika edo abesti bat berezkoa egin dezakete. 

Laburbilduz, musika oso garrantzizkoa da ume baten haziketan eta bere garapenean. 

ELKARRIZKETA IRAKASLEARI

ELKARRIZKETA

Nik egindako elkarrizketa "Txus" izeneko emakume bati egin diot. Berrogeita hamar urte ditu eta betidanik irakaskuntza munduan ibili da aguraineko ikastola publikoan. Oso pozik dago bere lanarekin baina aitortu dit momentu oso txarrak pasa dituela bere ibilbidean zehar, baina oraingo egoera pixka bat lasaiagoa dela.

Nik ikusi dudana eta izan ditudan sentsazioak elkarrizketa hau egin ondoren izan da ikaslea zarenean beste ikuspuntu oso desberdina daukazula irakasleengan, baina irakasale bizitza ez da hain erraza eta momentu txar asko daude, honekin ez dut esan nahi irakasleen bizitza infernu bat dela, baina bai uste den baino gogorragoa bai.

Hortaz aparte, kontatu dizkidan gauzen bidez ulertu ahal izan ditut irakasle batzuk nirekin izan dituzten jarrerak, izan ere, lehen gauza onartezinak iruditzen zitzaizkidan. Gainera, oso ona iruditu zait emakume honek izan dituen jarrerak eta berak aurrera eramaten duen metodologia ikasleekin.

Bukatzeko, bere ikasle batzuekin egoteko aukera izen dut eta beraientzet ere irakasle oso ona izan da eta asko ikasi dutela berarekin diote, beraz, esan dezaket bere helburuak betzten dituela eta horrela jarraitu beharko lukeela.

"LA EDUCACIÓN PROHIBIDA"

Ikusi dugun dokumental hau, argentinako hezkuntza kritikatzeaz arduratzen da, dokumental egilearen esperiantziatik abiatuz. Esaten duenez, klasean ematen zituzten materialek ez zuten ezertarako balio, irakasleen ardura ez baitzen ikasleek ikas zezaten, azterketan nota egokia ateratzea baizik. Ikasle bakoitzari nota bat zegokion eta horren arabera kalifikatzen edo izendatzen zituzten ikasleak, benetan balio zutenak eta inolako aukerarik ez zituztenak bananduz hain zuzen ere. Robot gisa lan egiten zuten materiala buruz ikasi nahirik, azterketa egin ostean dena ahazteko eta hori da gehienbat kritikatzen zuena. Baita hezkuntza sistema ere, oinarria industrian, autoritatean, konpetentzian eta abarren oinarritua baitzegoen.
Gure iritziz, hasiera batean hezkuntza publikoa salatzen duela uste izan dugu, baina egia esanda, argentinan erabiltzen diren hezkuntzarako metodoak eta sistema dira benetan dokumentalak kritikatzen dituenak eta gu egoera berdinean egongo bagina, ados egongo ginateke berak dioenarekin. Robot gisa lan egitea ez baita hezkuntzaren oinarria eta irakasleek irakaste funtzioa dute, ez materia eman eta ikasle bakoitza nota bakarraz kalifikatzea.
Beraz, gure jarrera dokumentalaren kritikaren aldekoa da, argi baitago beraien herrialdeko hezkuntza sistema aldatu behar dela, emaitzak benetan egokiak izan daitezen eta zerbai ikas dezaten.

Lehenengo kritika egiten duen idazlearentzako, dokumentalak esaten duena hezkuntza pribatuaren aldekoa dela esaten du. Egia esan, hasiera batean egia da hezkuntza publikoa baztertu eta nolabait pribatua hobea dela esan dezakeela; baina ez da horrela. Filmaren egileak, hezkuntza publikoko sistema kritikatzen du, hezkuntza pribatuari buruz ezer komentatu gabe, bera publikoko ikasteko eta irakasteko moduaren aurka baitago, baina inola ere ez du pribatua defendatzen ez hobea dela adierazten.

Bigarren kritika hau egiten duen egilearentzat, filma, hezkuntza publikoari egiten zaion eraso gogorra da, eta kritika hau irakurri eta gero ondorio batzuk atera ditzakegu. Alde batetik, kritikaren egileak esaten duenarekin ados gaude; argi dago film honek estatuaren eta hezkuntza sistema publikoaren kontra gogor jotzen duela, eta zentzu askotan kritikak gehiegizkoak direla pentsatzen dugu, adibidez estatuak ezer egiteko gai ez dela esaten duenean eta hezkuntza sistema publikoak aitzitik ona industrian, konpetentzian... aldaketak izan ez dituela esaten duenean. Gure ustez hezkuntza publikoak eboluzio onuragarri bat izan du denboran zehar eta eskoletara joaten direnek, joaten ez direnek baino aukera gehiago edukiko dituzte etorkizun batean, beraz esan dezakegu hezkuntza publikoak zerbaiterako balio duela.

FRANKOREN GARAIKO ESKOLA

Irudi hau hautatu egin dugu diktadurako hezkuntza sistema delako. Irudian ikusi ditzakegu ikasleak ordenatutak eta erdian haien irakaslea. Ikusi dezakegunez, Francoren garaitik gaur egunera hezkuntza asko aldatu egin da. Garai hauetan, hezkuntza sistema guztia elizak kontrolatzen zuen, beraz, ikasleak erlijioa ikasten zuten hezkuntza bezala. Gainera, oso gogorrak ziren irakasleak eta ez zegoen beste gauzarik edota beste metodologiarik aukeratzeko alternatiba.  

HEZKUNTZAREN INGURUKO AURKEZPENA

Aurkezpen hau aukeratu dugu, izan ere, era egoki batean azaltzen du pertsona orok duen hezkuntzarako eskubidea, kontuan hartu gabe nongoa zaren eta beste hain beste ezaugarri. Argi eta garbi aurkezten ditu hezkuntzak duen garrantzia pertsona baten garapenean eta horren ondorioz duen garrantzia.

Ez Ikutu Hezkuntza Eskubideak from MARIJE AGUILLO

HEZKUNTZAREN INGURUKO BIDEOA

Bideo honek transmititzen digun ideia argiena, gaur egungo hezkutza sistema aldatu beharra dagoela da. Aldaketa proposamen guztiak izan behar diren bezala, honek alternatiba bat eskeintzen du. Gainera, ikasle bat izanda, argi ikusten da zein den hezkuntzaren egoera eta ikasleek honen     inguruan duten iritzia.

HEZKUNTZAREN INGURUKO WEBGUNEA

Hezkuntzari buruzko webgune hau aukeratu egin dugu uste dugulako hezkuntza tradizionalaren alternatiba bat dela, Gaztetxean, tailerrak ikasteaz aparte bizitzeko beste modu bat ikasi egiten duzu, elkarlanean eta autogestioan.